Maliyyə Bazarlarına Nəzarət Palatasının yaradılması son dövrlərdə artan oğurluq və digər cinayətkarlıq hadisələrinin azalmasına səbəb olacaq. 

Mediatv.az xəbər verir ki, bunu millət vəkili Səyavuş Novruzov parlamentdə çıxışı zamanı qeyd edib.

Onun sözlərinə görə, məhz ölkədə maliyyə bazaralrına nəzarətin olmaması nəticəsində bir sıra kommersiya banklarında xoşagəlməz hadisələr baş verib: “Nəticədə insanların banklara olan inamı və etimadı azaldı. Məhz bu inamı bərpa etmək üçün maliyyə bazarlarına nəzarət edəcək qurumun yaradılmasına ciddi ehtiyac var və ümid edirəm ki, yeni yaranacaq qurum bu vəzifəinin öhdəsindən uğurla gələcək”. 

Millət vəkili onu da əlavə edib ki, yeni qutrumun yaradılması ölkədə iqtisadi blokun və bank sektorunun inkiaşf edib sabitləşməsinə xidmət etməklə yanaşı ölkədə cinayətkarlığın azalmasına gətirib çıxaracaq. “Qeyd etməliyik ki, son dövrlərdə evlərdə oğurluq hadisələri artıb. Hər gün bununla bağlı müxtəlif cinayət hadisələıri baş verir və evlərdən pullar oğurlanır. Vətəndaş bankdan pul çıxaran kimi onu pulu oğurlanır. Düzdür, hüquq-mühafizə orqanları bu istiqamətdə səy göstərir. Ancaq bnun kökünü kəsmək çətindir. Cinayət hadisələrin kökünün kəsilməsi üçün bu qurumun yaradılmasına ehtiyac var”,-deyə o bildirdi.