Azərbaycan, Türkiyə və Gürcüstanın xarici işlər nazirləri fevralın 19-da Tbilisi görüşünün yekunları ilə bağlı bəyannamə imzalayıblar.

Mediatv.az xəbər verir ki, Türkiyədə baş vermiş son terror aktlarını pisləyən nazirlər bütün regional münaqişələrin ərazi bütövlüyü prinsipi əsasında həllinə çağırıblar.

Tbilisi bəyannaməsində Dağlıq Qarabağ, Abxaziya və Cənubi Osetiya münaqişələrinin BMT və Avropa Şurasınin qətnamələrinə uyğun olaraq, beynəlxalq norma, suverenlik və ərazi bütövlüyü əsasında həll edilməli olduğu vurğulanıb.

Tərəflər Xəzər hövzəsindən enerji resurslarının Azərbaycan, Gürcüstan və Türkiyə vasitəsilə qərb bazarlarına nəqli üzrə regional enerji layihəsinə dəstək bildiriblər.

Azərbaycan, Türkiyə və Gürcüstan xarici işlər nazirlərinin növbəti görüşü bu il Azərbaycanda keçiriləcək (azadliq.org).