Azərbaycanın bu sahədə göstərdiyi fəaliyyət onu beynəlxalq səviyyədə aparıcı ölkələrdən birinə çevirib

Ana səhifə Bizimlə əlaqə

Nazir general Rəfail Mehdiyevi vəzifəsindən azad etdi

5 milyon Elman Rüstəmova çatıb: banklar günahsız vətəndaşın əmlakını girov əvəzi alır

Sahib Məmmədovun özünəməxsus kadr oyunları — AHİK-də nələr baş verir?

Sabiq notarius həbsdə olan iş adamının torpağını başqasına 500 min manata satıb

TƏBİB-in tibbi tullantılara xərclədiyi milyonlar daha haralara gedir

ETSN bu dəhşətə niyə göz yumur? - kanalizasiya suları içində ÇİMƏRLİK SEZONU

Biləcəridə ağaclar kəsilib mebel sexlərinə verirlir?

General Mehdiyev — GÖMRÜKDƏN BİZNESƏ (VİDEO)

“Putyovka”ları altdan-altdan satırlar” - VİDEO

Siyasət (Dünən, 14:20)
Azərbaycanın bu sahədə göstərdiyi fəaliyyət onu beynəlxalq səviyyədə aparıcı ölkələrdən birinə çevirib — Deputat

Mayın 26-da Bakıda “İslamofobiya: Qərəzin ifşa olunması və stiqmaların dağıdılması” mövzusunda ikigünlük beynəlxalq konfrans işə başlayıb. Konfrans Bakı Beynəlxalq Multikulturalizm Mərkəzi, Beynəlxalq Münasibətlərin Təhlili Mərkəzi və Bakı Təşəbbüs Qrupunun birgə təşkilatçılığı ilə İslamofobiya ilə Beynəlxalq Mübarizə Gününün 3-cü ildönümünə həsr olunub. G20 Dinlərarası Forumu (IF20), İƏT, ICESCO, Doha Beynəlxalq Dinlərarası Dialoq Mərkəzi (DICID), İnsan Qardaşlığının Ali Komitəsi, Müsəlman Ağsaqqallar Şurası, Almaniya Müsəlmanlarının Mərkəzi Şurası, EULEMA - Avropa Müsəlman Liderləri Məclisi və Beynəlxalq Müsəlman Forumu konfransın xarici tərəfdaşları sırasında yer alır.

Bununla bağlı deputat Elman Nəsirov Demokrat.az-a açıqlama verib.

O qeyd edib ki, konfrans çərçivəsində islamofobiyaya qarşı mübarizə istiqamətləri, bu meyilləri şərtləndirən səbəblər, onların qlobal təhlükəyə çevrilməsi və ksenofobiya ilə oxşarlığı geniş müzakirə olunub:

“İştirakçılar islamofobiyanın müasir dünyanın əsas təhdidlərindən biri olduğunu vurğulayıblar.

Müzakirələrin nəticəsi olaraq ortaq fikir belə olub ki, islamofobiyaya qarşı ən effektiv mübarizə vasitəsi multikultural dəyərlərin təşviqidir. Multikulturalizm Azərbaycanda dövlət siyasəti, ictimai sifariş və bir həyat tərzidir. Bu dəyərlər ölkənin zənginliyini və sabit gələcəyini təmin edir. Azərbaycanın multikulturalizm modeli bu sahədə nümunə olaraq təqdim olunub. Konfransda həmçinin qeyd olunub ki, islamofobiya, ksenofobiya, irqçilik və neofaşizm kimi təhlükəli tendensiyalara qarşı yalnız əlaqələndirilmiş və prinsipial mübarizə ilə nəticə əldə etmək mümkündür. Beynəlxalq ictimaiyyət bu məsələlərdə ikili standartlara yol verməməli, hər yerdə və hər zaman eyni yanaşmanı tətbiq etməlidir. Azərbaycanın bu sahədə göstərdiyi fəaliyyət və təşəbbüslər, onu beynəlxalq səviyyədə aparıcı ölkələrdən birinə çevirib”.

Leyla Turan
Demokrat.az