Türkiyə Prezidenti Rəcəb Tayyib Ərdoğan AKP-nin Ankarada keçirilən qurultayında partiyanın başqanı postuna yeganə namizəd olaraq seçilib.
Mediatv.az Trend-ə istinadən xəbər verir ki, Ərdoğan çıxışında “Partiyamızın rəhbərliyini mənə bir daha etibar etdiyiniz üçün hamınıza təşəkkür edirəm. 23,5 ildir ki, biz nə Türkiyəni, nə də xalqımızı heç vaxt məyus etməmişik və bundan sonra da onları ruhdan salmayacağıq. Biz dayanmayacağıq və tərəddüd etmədən xalqa və ölkəmizə xidmət edərək hərəkət edəcəyik,” – deyə vurğulayıb.
Qurultay zamanı AKP-nin rəhbər orqanlarının, Mərkəzi İcraiyyə Komitəsinin və bəzi partiya şura və komissiyalarının üzvlərinin siyahıları üzrə səsvermə keçirilib.
Türkiyə mətbuatının yazdığına görə, qurultaydan sonra Ərdoğan kabinetdə dəyişikliklər edərək beşdən yeddiyə qədər nazirin dəyişə biləcəyini bildirib. Həmçinin, bəzi idarələrin ayrı-ayrı nazirliklərə bölünməsi məsələsi də müzakirə olunub.шаблоны для dle 11.2