Naxçıvanın idarəçiliyində nələr dəyişəcək: Muxtariyyət qalacaq, yoxsa?..

Ana səhifə Bizimlə əlaqə

Abit Əliyevin “Xezer-Construction“ sevgisi - Bu dəfə 2,5 milyon...

Nərimanov rayonunda yaşıl şam ağaclarını niyə kəsirlər?- FOTOLAR/VİDEO

Masazırda qanunsuz tikinityə kim icazə verib?-VİDEO

Yasamalda sakinləri ölümlə üz-üzə gətirən təhlükəli vəziyyət VİDEO

Şirvanda ağacları kəsib yerində obyekt tikilir – Video

AHİK-lə bağlı İLGİNC İDDİALAR – Turniketlər axşam saatlarında niyə söndürülür?

Milyonluq tenderləri udan "SMTS" MMC kimə məxsusdur?

Dövlət Agentliyi 2,2 milyon manata anbar xidmətləri satın alır

Gömrük Komitəsində İlahətçinin sözü rəqəmlərin özü-İLGİNC

Siyasət (23-12-2022, 17:36)
Naxçıvanın idarəçiliyində nələr dəyişəcək: Muxtariyyət qalacaq, yoxsa?..

"Naxçıvanda səlahiyyətli nümayəndəliyin təsisinin muxtar status ilə bağlı olan məsələyə heç bir aydiyyatı yoxdur. Muxtariyyət statusunu dəyişmək üçün mütləq referendum keçirilməli, Konstitusiyada dəyişikliklər edilməlidir”.

"Mediatv.az" bildirir ki, bunu Qaynarinfo-ya açıqlamasında Aydınlar Partiyasının sədri, hüquqşünas Qulamhüseyn Əlibəyli Azərbaycan Prezidentinin fəmanı ilə Naxçıvan Muxtar Respublikasında səlahiyyətli nümayəndəliyin təsis edilməsindən sonra muxtariyyət statusunun ləğv ediləcəyi ilə bağlı dolaşan söz-söhbətlərə münasibət bildirərkən deyib.

Hüquqşünas bildirib ki, Naxçıvanda aparılan dəyişiklikdən sonra icra hakimiyyəti birbaşa Azərbaycan Prezidentinə tabe olacaq:

"Bu fərman sadəcə olaraq icra hakimiyyəti sisteminin təşkililə bağlı olan məsələdir. Prezident icra hakimiyyətinin başçısı olduğundan bu sistemi özü də təşkil edə bilər. Konstitusiya da yol verir ki, qanunvericilik və məhkəmə hakimiyyəti orqanlarının səlahiyyətinə aid olmayan məsələləri Prezident icra qaydasında həll etsin. Hesab edirəm ki, Naxçıvanda səlahiyyətli nümayəndənin təyin olunması həmin icra qaydasında həll olunmalı olan məsələlər sırasına daxildir. Bu məsələnin Naxçıvanın muxtar statusu ilə bağlı olan məsələyə heç bir aydiyyatı yoxdur.

Amma göründüyü kimi, burada söhbət icra hakimiyyətinin təşkilindən gedir. Naxçıvan Ali Məclisi fəaliyyət göstərir. Oradakı məhkəmələr də olduğu kimi saxlanılır. Sadəcə, icra hakimiyyəti sistemində müəyyən dəyişikliklər edilir. Naxçıvandakı icra hakimiyyəti sistemi ikiqat tabeçilikdə idi. Bir tərəfdən, Naxçıvan Ali Məclisinin sədrinə, o, biri tərəfdən də Azərbaycan Prezidentinə tabe idi. İndi icra hakimiyyəti sistemində edilən bu dəyişiklikdən sonra birbaşa olaraq Azərbaycan Prezidentinə tabe olacaq”.

Qulamhüseyn Əlibəyli qeyd edib ki, təyin edilən səlahiyyətli nümayəndə müəyyən səlahiyyətlərə malik olsa da, icra hakimiyyəti sistemində aparıcı sistem Naxçıvan Nazirlər Kabineti olaraq qalır:

"Sadəcə olaraq, səlahiyyətli nümayəndə Prezidentin siyasətinin həmin orqanlar tərəfindən həyata keçməsinə nəzarət funksiyasına malik olacaq”.