Moskvada Azərbaycan və Rusiya xarici işlər nazirləri Ceyhun Bayramovla Sergey Lavrov arasında ikitərəfli görüş başlayıb.

“Mediatv.az” xəbər verir ki, bu barədə Rusiya XİN məlumat yayıb.

Tərəflər bir sıra ikitərəfli və beynəlxalq məsələlər, o cümlədən Azərbaycan-Ermənistan münasibətlərinin normallaşması ilə bağlı fikir mübadiləsi aparacaqlar.Sergey Lavrov ermənistanlı həmkarı Ararat Mirzoyanın Moskvada bu gün keçirilməsi planlaşdırılan Rusiya, Azərbaycan və Ermənistan XİN rəhbərlərinin üçtərəfli görüşündə iştirak etməkdən imtina etməsinə münasibət bildirib:
“Biz bu tədbirə hazırlaşırdıq, lakin Ermənistan tərəfi son anda Moskvaya gəlməkdən imtina etdi. Təəssüf ki, bu cür imkan qaçırıldı. Yerdə hansısa məsələlər yarana bilər, düşünürəm ki, mütəmadi olaraq görüşmək, razılaşmaq, etimadı gücləndirmək və bütün məsələlərin nizamlanması üçün zəmin yaratmaq lazımdır”.