“Azərbaycan Avropa İttifaqının qeyri-rəsmi sammitində iştirak etməyə dəvət ediləcək”.

Mediatv.az xəbər verir ki, bu barədə məlumatı “The Guardian” nəşri yayıb.

Məlumata görə, Azərbaycanla yanaşı, İsveçrə, Norveç, Moldova, Ermənistan, Ukrayna, Gürcüstan, Albaniya, Bosniya Herseqovina, Monteneqro, Kosova, Şimali Makedoniya və Serbiya da sözügedən sammitə dəvət olunacaq.

Nəşr yazır ki, Avropa İttifaqı Şurasının Prezidenti Şarl Mişelin sözlərinə görə, Türkiyə də sammitə dəvət oluna bilər. Lakin bunun üçün bütün tərəfdaşların razılığı tələb olunacaq. Bildirilir ki, Yunanıstan və Kipr Türkiyənin görüşdə iştirakına qarşı çıxırlar.

Qeyd edək ki, sammit oktyabrın 6-sı Çexiyanın paytaxtı Praqada baş tutacaq.