Külli miqdarda dələduzluqda təqsirləndirilən sabiq deputat Rəfael Cəbrayılovun qardaşı Elşən Cəbrayılov ev dustaqlığına buraxılıb.

Baş Prokurorluğun Mətbuat xidmətindən bildirilib ki, Bakı şəhər prokurorluğunda Cinayət Məcəlləsinin 178.3.2-ci maddəsi ilə başlanaraq istintaqının aparılması üçün Nərimanov rayon polis idarəsinin İstintaq şöbəsinə göndərilmiş iş üzrə Elşən Cəbrayılov təqsirləndirilən şəxs qismində cəlb olunaraq barəsində Bakı Apellyasiya Məhkəməsinin 22 aprel 2022-ci il tarixli qərarı ilə həbs qətimkan tədbiri seçilib.

23 iyul 2022-ci il tarixdə Nərimanov rayon Məhkəməsinin qərarı ilə Elşən Cəbrayılov barəsində seçilmiş həbs qətimkan tədbiri dəyişdirilərək ev dustaqlığı qətimkan tədbiri seçilib. 

Hazırda cinayət işi üzrə istintaq davam etdirilir.

Qeyd edək ki, Elşən Cəbrayılov Nərimanov Rayon Polis İdarəsi tərəfindən həbs olunmuşdu. Onun Vətən müharibəsi iştirakçısı da daxil olmaqla bir neçə nəfərə qarşı dələduzluq etdiyi iddia olunur. E.Cəbrayılovun zərərçəkmişlərə dəymiş ziyanı tam ödədiyi bildirilir.