Narın min bir dərdin dərmanı olduğunu bilməyən yoxdur. Sperma sayını artıran, qrip və infeksiyalara qarşı təsirli olan bu meyvə daha çox ekzema və xərçəng xəstələrinə tövsiyə edilir.

Mediatv.az narın ürək-damar sistemi və mədəyə faydalarını araşdırıb:

Narın tərkibindəki polifenol və antosyan adlı maddələr E vitaminindən 20 qat güclüdür. Bu maddələr antioksidant effekti verir. Ona görə də, orqanizmi xərçəngdən qorumaqla yanaşı, damarların daralmasının qarşısını alır. Hər gün 1 stəkan nar şirəsi içmək ürək-damar sistemini qoruyur.

Narın bilinməyən xüsusiyyətlərindən biri də onun mədəyə faydalı olmasıdır. Son illərdə aparılan araşdırmalar göstərib ki, narın içərisindəki nazik, ağ təbəqə mədəyə yaxşı təsir edir. Ona görə də, bu ağ təbəqəni qurudub, daha sonra çayını dəmləyib içmək olar. Bu çay mədəni qüvvətləndirir, xəstəliklərdən qoruyur. Həmçinin, nar doşabı ilə balı qarışdırıb yeməklə də, mədə iltihabının qarşısını almaq olar.

Yeməkdən sonra 1 ədəd nar yemək həzmə yaxşı təsir edir, mədənin işini asanlaşdırır. Mədədə baş verən problemlərlə əlaqədər olaraq, yaranan qusma hissinin qarşısını alır.