Sarımsaq və cəfəri ayrı-ayrılıqda orqanizm üçün əsl şəfa mənbəyi olan qidalardır. Orqanizmi toksinlərdən təmizləyən, arıqlamağa və sağlam qalmağa kömək edən bu iki qidanı qarışdıraraq yeyəndə isə nəticə daha tez əldə edilir.

Publika.az sizə sarımsaqlı cəfəri kürünü təqdim edir.
 
Bu kürlə soyuq aylarda hamını narahat edən xəstəliklərdən qorunacaq, ideal kiloda qalacaq, özünüzü çox enerjili hiss edəcəksiniz.
 
Əvvəlcədən qeyd edək ki, bu resepti hər gecə yatmazdan 5-10 dəqiqə əvvəl hazırlayıb istifadə etmək lazımdır.
 
Tərkibi:
1 diş sarımsaq
Yarım limonun şirəsi
4/1 dəstə cəfəri
 
Hazırlanması:
Cəfəri ilə sarımsağı çox xırda doğrayın və ya mətbəx robotundan keçirin. Cəfəri ilə sarımsaq qarışığının üzərinə limon şirəsini əlavə edin. Yaxşıca qarışdırın. Bu qarışığı həb kimi, qaşıqla ağzınıza qoyub su ilə udun. 
 
Qeyd edək ki, bu kür sidikqovucu olduğu üçün bütün mayeni bədəndən xaric edir. Odur ki, kürdən istifadə etdiyiniz müddətdə hər gün 15 stəkan su içməlisiniz.
 
Kürdən 9 gün istifadə etdikdən sonra 2 həftə fasilə verin. Daha sonra daha 9 gün kürə davam edə bilərsiniz. Kür təzyiqi aşağı olanlar və hamilələr üçün məsləhət deyil.