Müğənni Manaf Ağayev qadın-kişi münasibətindən danışıb. 

Mediatv.az axşam.az-a istinadən xəbər verir ki, sənətçi "Yeri gəlmişkən" verilişində sevdiyi xanımla ailə qurduğunu bildirib:

"Qadın var ki, ona hər şey edirsən, amma dili acıdır. Gedib başqa kişi ilə gəzir, ailəsinə əhəmiyyət vermir. Elə xanım tanıyıram ki, həyat yoldaşı heç nə etmir, qazanmır, amma elə xoşbəxtdirlər ki. Bunlar mənə aid deyil. Sevdiyim insanla ailə qurmuşam və çox xoşbəxtəm. Dördüncü sinifdən xanımımı sevmişəm. İdeal ailəyik. Övladlarımdan da razıyam. Elə məsələlər var ki, oğlumdan məsləhət alıram. Övladımın 27 yaşı var, siqaret belə çəkmir. Xanımım mənim sözümün qarşısına nəsə irad deyə bilməz. Mənə cavab qaytararsa, atası evinə göndərərəm. Nəinki, qadın, uşaqlar və nəslimdəkilər də mənə cavab qaytarmazlar".

M.Ağayev "Elə kişi var ki, kənarda sevgilisi olmasın?" sualına isə belə cavab verib:

"Onsuz həyat yoxdur. Hansı kişi kənarda sevgilisi olmadığını deyirsə, yalançıdır. İstəyir bu söz mənim ziyanıma olsun, kiməsə xoş getsin deyə yalan danışmayacam. Kişinin həyatında ikinci qadının olmaması mümkünsüzdür. Səmimi olmaq lazımdır. Kişilərin sevgilisi olmasını qınayırlar. Amma elə xanımlar var ki, ailəlidir, onların da sevgilisi var".