Axşam.az-ın məlumatına görə, sənətçi verilişdə 2 milyonluq villa tikdirdiyini təkzib edib. O, aparıcı İradə İsaqın “Deyirlər, evinin qiyməti 2 milyon manatdır” sualına əsəbiləşib:

“Mənim villam hələ tikilir. Hardan bilirlər, qiyməti nə qədər olacaq? Bəlkə elə 5 milyona başa gələcək? Bir dəfə tanımadığım uşaq yaxınlaşıb ağlaya-ağlaya dedi ki, atası xaricdə vəfat edib, meyidi gətirməyə pulları yoxdur. Getdim, öz cibimin pulu ilə həmin meyidi gətirdim. Ailəsinə zəng vurdum ki, yarım saata meyid evinizdə olacaq. Eşitdiklərinə inanmadılar. Bunu işıqlandıran olmadı. Yazardılar Manafın gördüyü xeyriyyə işlərindən, mən də oxuyub sevinərdim, könlüm açılardı. Mən toya 5 minə gedirəm, başqaları 12 minə. Biri çıxarıb kiməsə 100 manat verib, kömək etmir”.