Telejurnalist Xoşqədəm Hidayətqızı bu gün 41 yaşını qeyd edən həyat yoldaşı, türkiyəli müğənni Doğuşu  “İnstagram” bloqunda təbrik edib.

“Dəyərli dost, həyat yoldaşı, əsl insan, Doğuş! Nə yaxşı ki, bu gün doğuldun. 17 yaşına kimi “kaş ki doğulmasaydım” demisən.  Amma Allahım o çətinliklərdən sonra sənə xəyal belə etmədiyin bir həyatı bəxş edib. Sən heç zaman keçmişini unutmadın, hər zaman yardıma ehtiyacı olanların yanında oldun!!! Bu gün mənim yanımdasan. Sən mənim dərdimi söylədiyim dostumsan, yaxınımsan, həyat yoldaşımsan. Nə yaxşı ki, anan səni dünyaya gətirmiş, nə yaxşı ki, bu gün mənimləsən. Doğum günün mübarək olsun. Allah hər zaman yardımçın olsun. Pis insanlardan qorusun səni”.

Xoşqədəm Hidayətqızının yazdığı təbrik mesajına həyat yoldaşının cavabı özünü çox gözlətməyib. O, qarşı tərəfə sevgisini etiraf etsə də, uşaq arzusunda olmasını da gizlətməyib.

 “Həyatım, hanı tortum? Təşəkkür edirəm, bu xoş günümə xoşbəxtlik qatdın. Bir də evliliyimizi uşaqla taclandırma zamanı gəldi. Ata olmağı çox istəyirəm. Xoşqədəm Baxşəliyeva, mən səni sevirəm”.