Bollivudun tanınmış rejissoru Priyadarşan Azərbaycanda film çəkəcək. 

Məlumata görə, paytaxtımızın qonağı olan rejissor bu haqda BMM-də keçirilən mətbuat konfransında məlumat verib:

“Azərbaycanda olduğum üçün çox xoşbəxtəm. Film çəkilişi üçün buradayam. Ekran işində Hindistanın tanınmış  aktyoru Mohanlal Vişvanatan Nair baş rolu ifa edəcək. Eyni zamanda Azərbaycanın tanınmış aktyor və aktrisaları filmdə rol alacaq. Onların təklifimizi qəbul etməyi mni çox sevindirdi. Çəkilişlər Bakı və  Azərbaycanın bəzi rayonlarda baş tutacaq. İnanıram ki, bu film Hindistan və Azərbaycan münasibtlərini daha da möhkəmləndirəcək. Bu film vasitəsilə biz Azərbaycanı dünyaya tanıdacağıq”. 

Filmdə hindi aktyorlarla yanaşı, Amaliya Pənahova, Həmidə Ömərova, Rasim Balayev və Füzuli Hüseynov rol alacaq.

“Qafqazinfo”