Bu gün Gəncə Ağır Cinayətlər Məhkəməsində Tovuz rayonunda 10 yaşlı Nərmin Quliyevanı qətlə yetirməkdə təqsirləndirilən İlkin Süleymanovun cinayət işi üzrə növbəti məhkəmə prosesi keçirilib.Mediatv.az xəbər verir ki, hakim Dadaş İmanovun sədrliyi ilə bu gün İlkin Süleymanovun növbəti məhkəmə prosesində Nərmin Quliyevanın sinif yoldaşı və əmisi oğlu olan Ayxan Quliyev yenidən Nərmin Quliyevanın əmisi Arif Quliyevin həyat yoldaşı Nailə Quliyeva isə ilk dəfə olaraq məhkəmədə ifadə verib.
A.Quliyevin ifadəsində önçəki ifadələrlə yenə ziddiyyətlər olub. Belə ki, sonuncu dəfə Nərmini evlərində gördüyünü bildirən A.Quliyev keçən məhkəmə prosesində çölə çıxıb Nərminə gödəkcəni qoymağa salofan paket gətirməyə getdiyini, qayıtdıqdan sonra onun getdiyini gördüyünü demişdi lakin ilk məhkəmə ifadəsində isə əmisi oğlu Qorxmazla bir yerdə olduqlarını, Nərmin gödəkcəni götürüb getdiyini, çöl qapının səsindən bildiyini qeyd etmişdi.
Bugünkü ifadəsində isə salofan paketi gətirib Nərminə vermək istədiyini sonra onun qapıdan çıxıb getdiyini gördüyünü deyib.
Təqsirləndirilən şəxsin müdafiəçilərinin suallarını cavablandıran A.Quliyevin verdiyi cavablar da verdiyi ifadələrlə uyğun olmayıb.
A.Quliyevdən sonra məhkəmədə Nərmin Quliyevanının əmisi Arif Quliyevin həyat yoldaşı Nailə Quliyeva ifadə verib.
O ifadəsində bildirib ki, Nərmin həmin gün öncə onlara gəlib yoldaşının (Arifin) gödəkcəsini onlara verib sonra gedib qonşuluqda olan Lətif əmisinin evinə.
"Orda çox olmayıb, atasının gödəkçəsini götürüb çıxıb gedib. Sonra isə bildik ki, itkin düşüb", - N.Quliyeva bildirib.
Hakimin qərarı ilə növbəti məhkəmə martın 9-na təyin olunub.шаблоны для dle 11.2