Keçmiş məmurun məhkəməsi başlayır

Ana səhifə Bizimlə əlaqə

Deputat əmisi qızını işdən çıxarıb yerinə öz xanımını təyin etdi

Elman Rüstəmov bütün Azərbaycan vətəndaşlarına qarşı

Ölkədən gizli şəkildə 17 milyonluq metal çıxarıblar

Zaur Mikayılovun bu "kontor"unda dövlət əmlakı talan edilir

Mirdamət Seyidov Bakı şəhərində kəsilən ağacları yenə “yaşıllaşdırır”

Bakıda maraqlı boşanma: Milyoner cütlüyün toydan bir ay sonrakı DAVASI

Zaur Mikayılovun digər müavini də məmur qardaşı çıxdı — FOTO

70 kiloqram qızılla saxlanılan hərbi attaşenin - Kimliyi bilindi

Nərimanov İH və “Gold Məkan” yenidən hakim qarşısında

Kriminal (19-08-2021, 11:58)
Keçmiş məmurun məhkəməsi başlayır

Bakı Şəhər İcra Hakimiyyətinin (BŞİH) keçmiş Aparat rəhbəri Rasim Quliyevlə bağlı cinayət işinin istintaqı sona çatıb.

Qaynarinfo-ya daxil olan məlumata görə, iş materialları baxılması üçün Ağır Cinayətlər Məhkəməsinə göndərilib. Məlumatda bildirilir ki, avqustun 23-nə hazırlıq iclası təyin edilib.

Rasim Quliyev bu il aprelin 2-də Baş Prokurorluq yanında Korrupsiyaya Qarşı Mübarizə İdarəsinin əməkdaşları tərəfindən saxlanılıb. Ona qarşı Cinayət Məcəlləsinin 314-2.3-cü (Qanunla müəyyən olunmuş qaydaları pozmaqla torpaq sahələri ayırma, yaxud tikinti və ya quraşdırma işlərinin aparılmasına icazə vermə) və 308.2-ci (Vəzifə səlahiyyətlərindən sui-istifadə) maddələri ilə ittiham irəli sürülüb və məhkəmənin qərarı ilə barəsində 3 aaylıq həbs qətimkan tədbiri seçilib.

Rasim Quliyev 1992-ci ildən Yeni Azərbaycan Partiyasının (YAP) üzvüdür. O, 1996-2001-ci illərdə "Səs” qəzetində müxbir, siyasət şöbəsinin müdiri, baş redaktorun müavini, eyni zamanda YAP-ın Mərkəzi Aparatında "Beynəlxalq əlaqələr və siyasi partiyalarla iş” şöbəsində təlimatçı işləyib.

2001-ci il fevralın 13-dən BŞİH "Ərazi idarəetmə orqanları ilə iş” şöbəsinin müdiri, 2010-cu il yanvarın 6-dan 2018-ci il sentyabrın 20-dək Bakı şəhər İcra Hakimiyyəti Başçısı Aparatının rəhbəri vəzifəsində çalışıb. Ona Dövlət qulluğunun müşaviri və Dövlət qulluğunun baş müşaviri ixtisas dərəcəsi verilib. 22 iyun 2015-ci ildə "Dövlət qulluğunda fərqlənməyə görə" medalı ilə təltif olunub. 2019-cu ilin aprelindən YAP-ın Mərkəzi Aparatında işləyirdi.

Rasim Quliyevin ittiham olunduğu 314.2-3-maddədə üç ilədək müddətə müəyyən vəzifə tutma və ya müəyyən fəaliyyətlə məşğul olma hüququndan məhrum edilməklə beş ildən səkkiz ilədək müddətə azadlıqdan məhrum etmə, 308.2-ci maddədə isə vurulmuş ziyanın iki mislindən üç mislinədək miqdarda cərimə edilməklə üç ilədək müddətə müəyyən vəzifə tutma və ya müəyyən fəaliyyətlə məşğul olma hüququndan məhrum etmə, yaxud üç ilədək müddətə müəyyən vəzifə tutma və ya müəyyən fəaliyyətlə məşğul olma hüququndan məhrum edilməklə iki ilədək müddətə azadlıqdan məhrum etmə cəzası nəzərdə tutulur.