Bakıda mənzildən külli miqdarda pul və qızıl oğurlanıb.

Mediatv.az-ın APA-ya istinadən məlumatına görə, hadisə paytaxtın Nərimanov rayonu, Aşıq Alı küçəsi 22 ünvanında qeydə alınıb.

Həmin ünvanda yaşayan, 1972-ci il təvəllüdlü Vüqar Məmmədov polisə müraciət edərək, yaşadığı evdən seyfin sındırılaraq içərisindən 20 min ABŞ dolları (34 min manat) və 80 min manat dəyərində qızıl-zinət əşyalarının oğurlandığını bildirib.

Daxil olan məlumat əsasında araşdırmalara başlanıb.