Moskvanın digər rayonuna- Kunçevoya köç edirlər. Elə bu yerləşmə də ilk “sifarişli” qətlə -avtoritet İlqar Çıldırlının güllələnməsinə gətirib çıxarır” 

Tanınmış azərbaycanlı “qanuni oğru” Rövşən Lənkəranski  bu yaxınlarda öldürülən digər kriminal avtoritet İlqar Çıldırlının qətlində şübhəli bilinir. 

“Mediatv.az” Rusiya KİV-nə istinadən xəbər verir ki, hüquq mühafizə orqanlarından olan mənbənin sözlərinə görə, Bryülovdakı son hadisələrdən sonra “Pokrov” bazarından köçmək məcburiyyətində qalan kriminal dairələr Moskvanın digər rayonuna- Kunçevoya köç edirlər. Elə bu yerləşmə də ilk “sifarişli” qətlə -avtoritet İlqar Çıldırlının güllələnməsinə gətirib çıxarır. 

Mənbənin sözlərinə görə, Kunçevo bazarına köç edənlər arasında  göyərti satışı ilə məşğul olan və artıq Brülovda olarkən 2009-2012-ci illərdə bu sahədə “icazə haqqı” qazanan Rövşən Canıyevin də adamları olur. 2013-cü ildə bu sahə üzrə monopoliya hüququ digər avtoritet Merab Canqveladzenin əlinə keçsə də, bu, uzun sürmür. Belə ki, Bryülov hadisələri, Merabın Avropada həbsi yenidən bu sahədə nəzarəti yenidən Lənkəranskiyə qaytarır. Çıldırlının isə yeni bazarda  çalışan azərbaycanlılar, eləcə də kriminal dairələr arasında böyük nüfuzu olub.  Onun “tacqoyma” mərasimi ərəfəsində öldürülməsi də buna əsas  verir.

Lakin yeni bazarda onun maraqları İlqar Çıldırlı ilə üst-üstə düşür. Mənbə bildirir ki, bu, Lənkəranskinini qane etmirdi. Və bu hadisələrin fonunda fevarlın 5-də Çıldırlı öz avtomobilində öldürülür.