Ötən gecə tanışını bıçaqlayan Gəncə şəhər sakini saxlanılıb.

APA-nın verdiyi məlumata görə, sentyabrın 9-da Gəncə şəhər sakini, 1977-ci il təvəllüdlü Samir Osmanov döş qəfəsinin kəsilmiş deşilmiş yarası diaqnozu ilə Gəncə şəhər Təcili Tibbi Yardım xəstəxanasına yerləşdirilib.

Ürək nahiyəsindən bıçaqlanan S.Osmanov dərhal əməliyyat olunub. Onun vəziyyətinin ağır olduğu bildirilir. S.Osmanovun şəxsi münasibətlər zəmində yaranmış mübahisə zamanı tanışı, 1971-ci il təvəllüdlü Vüqar Əliyev tərəfindən bıçaqlandığı deyilir.

Cinayəti törədən V.Əliyev saxlanılıb. Faktla bağlı Gəncə şəhər Baş Polis İdarəsində araşdırma aparılır.