Respublikanın daxili işlər orqanları tərəfindən cinayətkarlıqla mübarizə sahəsində daha bir uğurlu əməliyyat həyata keçirilib.

Mediatv.az Region TV-yə istinadən xəbər verir ki, Baş Mütəşəkkil Cinayətkarlıqla Mübarizə İdarəsinə Quba rayon sakini Əli Musayevdə odlu silah olması barədə məlumat daxil olub. Həyata keçirilən tədbirlərlə qeyd olunan şəxs "Toz 8" modelli ov tüfəngini 7 ədəd patronu ilə birlikdə 1000 manata satmaq istəyən zaman polis əməkdaşları tərəfindən saxlanılıb.

Əli Musayev: "Üzərimdə qanunsuz "Toz 8" tüfəngi və 7 ədəd patron olub. Qanunsuz olduğuna görə polislər məni həbs ediblər".

Faktla bağlı Baş İdarənin İstintaq Şöbəsində cinayət işi başlanıb, istintaq davam edir.