Sumqayıtda 1 kq- dan çox narkotik maddə olan tiryəyi satmaq istəyən şəxs saxlanılıb. Saxlanılan şəxs min cür bəhanə ilə günahını gizlətməyə çalışıb. Ancaq onun bu hərəkəti istintaqın gedişatına təsir göstərməyib. 

“Mediatv.az” kəpəz tv-yə istinadən xəbər verir ki, Sumqayıt şəhər Polis İdarəsinin Narkotiklərlə mübarizə bölməsinin keçirdiyi əməliyyat axtarış tədbirləri nəticəsində 31 yaşlı Elşən Məmmədov şübhəli şəxs qismində saxlanılıb. O, şəhərin 41-ci məhəlləsində 1 kq 25 qram narkotik maddə olan tiryəklə bərabər tutularaq istintaqa cəlb olunub. Onun Sumqayıt şəhər beton zavod ərazisi Gecə qondu məhəlləsindəki mənzilinə baxış keçirən zaman bir ədəd narkotik maddənin bişirilib hazırlanması üçün qazan və bir neçə ədəd inyeksiya aşkar edilərək maddi sübut kimi götürülüb.   

Saxlanılan şəxs Elşən Məmmədov hərəkətlərindən olduqca peşman olduğunu etiraf edib. O, tiryəyi satmaq niyyəti ilə yox, şəxsi istifadəsi üçün əldə etdiyini bildirib.

Faktla bağlı cinayət işi açılıb, araşdırmalar aparılır.