Belarus prezidenti Aleksandr Lukaşenko öz balaca oğlu Nikolayla birgə Əbu-Dabidə şeyx Zaidin adını daşıyan Böyük Məscidə baş çəkib. 

Bu barədə AzVision.az “Belarus KİV-nə istinadən xəbər verir. 

Məscid Birləşmiş Ərəb Əmirliyinin banisi və prezidenti şeyx Zaid ibn Sultan ən-Nahayyanın şərəfinə adlandırıb. O, rəsmi olaraq 2007-ci ildə Ramazan ayında açılıb və ora turistlər də daxil olmaqla istənilən şəxs buraxılır. Ekskursiyaya giriş pulsuzdur. 

Qeyd edək ki, Belarus prezidenti oktyabrın 25-dən BƏƏ-də səfərdədir.