"Şirkətin rəhbəri gizli nömrədən zəng edib məni hədələdi"

Karusel (20-01-2021, 11:49)
"Şirkətin rəhbəri gizli nömrədən zəng edib məni hədələdi"

Vətəndaş Emin Əliyev “Azfibernet” şirkətinin müştərisi olub, lakin xidmətdən narazı qaldıqda isə rəhbərlik tərəfindən hədələnib.

E.Əliyev Mubahise.az-a müraciət edərək bildirib ki, 2020-ci il noyabrın 3-də “Azfibernet” ilə fiber optik internet müqaviləsi bağlayıb: “Onların çəkdiyi şəbəkə qutusunda qaydalara görə maksimum 5 ev ola bilər, bizim şəbəkə qutuda 3 ev qoşuludu. Onlar hər ay 20 AZN ödəniş əasında mənə 25Mbit/san sürətlə internet verməyi öhdələrinə götürüblər. Lakin internetdə dəfələrlə yaranmış problemlərə görə (donmalar, kəsintilər) onların koorparativ nömrələrinə və votsap nömrəsinə şikayətimi bildirmişəm.

Yanvarın 13-dəki müraciətimdən sonra problemi həll etmək əvəzinə məni vatsap nömrədə əngəlləyərək müraciət etməyimin qarşısını aldılar. Mən onlara zəng edib iradımı bildirdim ki, siz nə haqqla bunu edirsiz? Müştəri problemi sizdə bu cür həll olunur?

Daha sonra gizli nömrədən mənə özünü Nəsib kimi təqdim edən şəxs zəng edib dedi ki, mən oranın rəhbəriyəm və sizin müqaviləni birtərəfli qaydada ləğv edirəm.

Dedim nə ixtiyarla siz bunu edə bilərsiz? Mən ödənişimi edirəm, internetdən istifadə edirəm, internetinizdə problem yarananda müraciətimi iradımı bildirməməliyəm? Mənim etdiyim müraciətlərimin heç biri əsassız olmamışdır və nə də ki onları təhqir etməmişəm. Provayderi müştəri seçir, müştəri də seçimini dəyişə bilər. Müştəri hər zaman haqlıdır. Belə bir deyim var. Bunlar problemi həll etmək əvəzinə insanları müqaviləni ləğv etməklə hədələyirlər.

Normal xidmət göstərə bilmirlərsə onda camaatın cibinə girməsinlər. Şirkətlərini bağlayıb gedib evlərində otursunlar. Heç bir əsas olmadan mənim müqaviləmin pozulmasına və internetdən istifadəmin məhdudlaşdırılmasına razılıq vermirəm.

Hətta mən internetin sürətli olması üçün əlavə olaraq 1 modem də qoşdurmuşam, lakin sürətdə problemlər yaranır. İnternet bugünkü günümüzdə hər bir ailənin evində olmalıdır, çünki artıq online təhsil və online iş rejiminə keçmişik. Evimdə 6 yaşında məktəbə gedəcək uşaq böyüyür. İnetnetsiz indiki vəziyyətdə necə təhsil ala bilər? Həmçinin internetlə digər ailə üzvüm və mən işləyirik. Bunun üçün də sürətli kəsintisiz internet lazımdır”.

Karusel (20-01-2021, 11:49) "Şirkətin rəhbəri gizli nömrədən zəng edib məni hədələdi"

Karusel (20-01-2021, 11:49)
"Şirkətin rəhbəri gizli nömrədən zəng edib məni hədələdi"