Son zamanlar Azərbaycanda meşələrin kütləvi şəkildə məhv edilməsi ilə bağlı ayrı-ayrı media orqanları və sosial şəbəkə istifadəçiləri həyəcan təbili çalmaqdadırlar...
Yardımlı rayon ərazisində yerləşən meşələrə qənim kəsilənlər var. Belə ki səbəbi bilinmədən dağ döşündəki ağaclara divan tutulur. Təbiəti talan edənlər oksigen mənbəyini məhv ediblər. Mediatv.az-a verilən məlumata görə Vəlişdi meşə massivində müxtəlif diametrli ağaclar kütləvi şəkildə kəsilir və kəsildikdən sonra kötük hissə torpaqla basdırılır.Bu proseslər meşə nəzarətçilərinin iştirakı ilə baş verir. Meşə zolağında palıd, vələs, fısdığ, göyrüş ağacları kökündən kəsilərək ərazidən aparılıb. Ağaclara kökündən balta vuranların hərəkəti sakinlərin narazılığına səbəb olub. Redaksiyamıza verilən məlıumata görə ağaclar satmaq məqsədilə kəsilib.Bu sahəyə cavabdeh olanlardan kimlərəsə ağac kəsəsənlərə havadarlıq etməklə,Yardımlı meşələrində soyqırıma yardım edirlər.
Bu haqda daxil olan şikayətlərdə həmçinin bildirilir ki,Yardımlı meşələrindən mebel sexlərinə də işlik materiallar daşınır: Hər gecə ən azından 40-50 kub metr işlik materiallar yük maşınları ilə daşınır. Kötüklərin bir qismini yandırıblar, bir qismini isə torpaqla üsdini basdırıblar.Amma izləri tamamilə itirə bilməyiblər.Bu məsələlərə aydınlıq gətirmək üçün  Masallı Regional Meşə Təsərrüfatı Mərkəzinin direktoru Adəm İsmiyevlə əlaqə saxladıq.O qısa vaxta bu məsələni araşdıraraq redaksiyamızı məlumatlandıracağına söz versə də sorgumuz bu günə kimi  cavabsızdır

шаблоны для dle 11.2