Bu gün (dünən-red) 15.04.2020 tarixdə Lerikdə pensiya verilirdi. Azərbaycanın ərazi bütövlüyü uğrunda yaralanıb əlil olmuş şəxslərin də pensiyası verilirdi. Nəzərinizə çatdırmaq istəyirəm ki, mən özüm də Azərbaycanın ərazi bütövlüyü uğrunda döyüşlərdə iştirak etmişəm. Döyüşlərin birində ağır yaralanmışam və 2-ci qrup əliləm. Mən də əllil kimi pensiya almağa getdim. Qarşılaşdığım mənzərədən anladım ki, KAPİTAL BANK RƏHBƏRLİYİ bizə həqiqətən DÜŞMƏN münasibəti göstərir."
Pensiyasının 231 manat olduğunu bildirən Qarabağ qazisi qeyd edir ki, bank onun 231 manatını silib, üstəlik borc da yükləyib.
Cəlal Məmiyev redaksiyamız vasitəsilə Ali Baş Kamandana müraciətində daha sonra bildirir:
"Buradan Ali Baş Komandanıma SƏSLƏNİRƏM!
Cənab Ali Baş Komandan! Bu ağır dönəmdə Kapitalbankın QAZİLƏRƏ qarşı bu hərəkəti düşmən mövqeyi sərgiləyir. Bank rəhbərliyi bu hərəkətinə görə cəzalandırılmalı, qanunlar qarşısında cavab verməlidir."
Daha sonra üzünü müharibə və səngər yoldaşlarına tutan Qazi bildirir ki, bu məsləni ictimailəşdirmək lazımdır. Bank hansı əsasla Qarabağ əlilinin cibinə girməlidir? Ərazi bütövlüyümüz uğrunda sağlamlığını itirən insanlara qarşı bu kimi münasibət göstərən şəxslər ictimai qınaqla yanaşı, hüquqi məsuliyyətlərini dərk etməlidirlər! //miq.az//
