Hökumət istəsə belə, qiymət ucuzlaşdırmaq effekt verməyəcək

İqtisadiyyat (6-03-2017, 12:38)
Hökumət istəsə belə, qiymət ucuzlaşdırmaq effekt verməyəcək - Ekspert

“Bugünkü qiymət artımı bir ay bundan öncə dolların baha olması ilə bağlıdır ki, biz onu bu gün hiss edirik. Çünki bazarda qiymət artımı birdən- birə baş vermir, nə də formalaşmır?! Sadəcə, biz onu bu gün hiss edirik”.

Mediatv.az xəbər verir ki, bu fikri Gununsesi.info-ya açıqlamasında iqtisadçı ekspert Samir Əliyev deyib.

Onun sözlərinə görə, iş adamları dollar baha olan zaman məhsullarını alıb yığıb anbarlara və baha aldıqları məhsulları başlayırlar istehlakçıya satmağa:

“Dollar ucuzlaşsa da, bazarda qiymət enmir”.

Ekspert hesab edir ki, qiymətlərin aşağı enməsi üçün manatın uzunmüdətli sabitliyi olmalıdır.

“İş adamları isə manatın uzun müddət mövqeyinin möhkəmlənməsinə inamı yoxdur. Onların yaxın gələcəkdə dolların manata nisbətdə yenidən bahalaşcağından ehtiyat etdiyindən məhsullarını da baha satırlar. Odur ki, indiki şəraitdə nə gündəlik qida məhsulunun, nə də digər məhsulların ucuzlaşmasını gözləməyə dəyməz”- deyə, o, vurğulayıb.

Ekspert qiymət artımının digər amilini Novruz bayramı ərəfəsinin olması ilə izah edib.

S. Əliyevin fikrincə, qiymətin ucuzlşaması apreldə ola bilər: “Əgər aprelədək dollar bahalaşmasa, o zaman biz ucuzlaşmanın şahidi ola bilərik”.

Dolların bahalaşması məsələsinə gəldikdə isə S.Əliyev deyib ki, bu, mütləq olacaq.

“Düzdür, demirəm əvvəlki kimi kəskin artım olacaq, ancaq tədricən dollar bahalaşacaq”-deyə, ekspert vurğulayıb.

Hökumətin süni qiymət artımınaın qarşısını alması və buna müdaxilə etməsinə gəlincə, ekspert hökumətin inzibati yollarla qiymət endirimini düzgün addm hesab etmir.

“İstənilən halda hökumətin atacağı addım hər zaman olduğu kimi, bu dəfə də əks effekt yaradacaq. Hökumət bir müddət süni yolla qiyməti endirir, ancaq müəyyən müddətdən sonra bunu saxlaya bilmir və nəticədə qiymətlər kəskin artır.

Çünki inzibati yolla qiyməti endirmək qısa müddət effekt versə də, uzun müddətə effekt vermir. Və bunun fəsadı daha pis olur. Məcburi qiymət endirimi çıxış yolu deyil. Bazarda qiyməti tənzimləmək üçün normal rəqabət mühiti formalaşdırmalıdır.

Digər məqam isə idxalatdakı maneləri aradan qaldırmaqla şəffalığa nail olunmalı, vergi güzəştləri tətbiq edilməlidir”- deyə, S.Əliyev bildirib.

İqtisadiyyat (6-03-2017, 12:38) Hökumət istəsə belə, qiymət ucuzlaşdırmaq effekt verməyəcək - Ekspert

İqtisadiyyat (6-03-2017, 12:38)
Hökumət istəsə belə, qiymət ucuzlaşdırmaq effekt verməyəcək - Ekspert