Ləğvetmə qərarı bir neçə gün öncə verilib.

“Maccaferri Azerbaijan” MMC ləğv olunduğunu elan edib. Təsisçinin ləğvetmə qərarı yanvarın 19-da verilib.

Oxu.Az bu barədə Vergilər qəzetinə istinadən xəbər verir.

Kreditorlar iki ay ərzində tələblərini Bakı şəhəri, Nəsimi rayonu Rəşid Behbudov küçəsi, ev 59, mənzil 63 ünvanına bildirə bilərlər.

Qeyd edək ki, “Maccaferri” şirkətinin əsası 1879-cu ildə İtaliyada qoyulub. “Maccaferri Azerbaijan” MMC-nin əsas işi mülki və ətraf mühitdə mühəndislik və müdəfiə işlərinin görülməsi, xüsusən də torpaq möhkəmləndirilməsi, drenaj sistemləri, sualtı boru kəmərinin qorunması, tunelin bərkidilməsi, qaya-sürüşmədən mühafizə torlarını quraşdırma və texniki həllərin satışı və təchizatı sahəsində ixtisaslaşıb.