Beynəlxalq bazarların səbirsizliklə gözlədiyi kritik məlumat açıqlandı.

Mediatv.az xəbər verir ki, ABŞ-da faizlər 25 faiz bəndi artırıldı.ABŞ Mərkəzi Bankı Fedin Federal Açıq Bazar Komitəsi (FOMC) faiz qərarını açıqladı.
Fed faizi 0,25%-dən 0,50%-ə qaldırdı.
23:30-da isə Fed sədri Janet Yellen kameraların qarşısına keçəcək. Analitiklər, Sədr Janet Yellenin açıqlamalarının bazarların istiqamətində müəyyənedici olacağını ifadə edirlər.

Faizlərin artırılması ilə ilk öncə Dollar yüksəlib və Avro/dollar məzənnəsi 1.08-ə düşüb. Sonra isə dollar düşərək məzənnə 1.09-a yüksəlib.
Faiz qərarı yekdilliklə qəbul edilməyib. 2016-cı il üçün ortalama faiz gözləntisi 1.4%-də sabit qalıb.
Fed-dən verilən açıqlamada “Mövcud şərtlər yalnız mərhələli faiz artımına imkan verir” deyilir. Bəyanatda məşğulluq bazarında bu il kifayət qədər artım yaşandığı bildirilib.
Fed, “Gələcək faiz artırımları üçün məşğulluq bazarı, inflyasiya gözləntiləri və beynəlxalq proseslər qiymətləndirəcək” deyə açıqlamasında qeyd edib.
Bank faizi 2008 böhranından sonra 0 – 0,25% aralığına salmışdı. Fed, Dekabr 2008-dən bəri faizdə dəyişikliyə getməmişdi./Marja.az/