Türkiyə və Rusiya arasındakı münasibətləri təktərəfli nəzakət göstərərək qorumaq olmaz.

Mediatv.az-ın “Sabah”a istinadən verdiyi məlumata görə, bunu Türkiyənin sabiq enerji və təbii sərvətlər naziri, AKP-nin Kayseridən millət vəkilliyinə namizədi Taner Yıldız deyib.

O bildirib ki, münasibətlərin qorunmasına diqqət göstərməsi gərəkən tərəf Rusiyadır: “Çünki biz təbii qazı alarkən, pulunu verib alırıq”.

T.Yıldız ötən həftə Rusiya hərbi təyyarəsinin Türkiyənin hava sərhədlərini pozması ilə bağlı məsələyə toxunub, lakin iki ölkə arasında münasibətlərin pozulmayacağına ümid etdiyini deyib. Sabiq nazir vurğulayıb ki, Ankara və Moskva arasındakı əməkdaşlığın qorunmasında qarşı tərəf də maraq göstərməlidir.