Xatırladaq ki, yanvarda Standartlaşdırma, Metrologiya və Patent üzrə Dövlət Komitəsi öz məhsullarından “halal” sözünü yığışdırmağı təlb edib, amma heç bir istehsalçı halal məhsul buraxmaq üçün sertifikat almayıb. Halbuki «Halal» standartı 2012-ci ilin avqustundan qüvvəyə minib.

Mediatv.az-ın məlumatına görə, Standartlaşdırma, Metrologiya və Patent üzrə Dövlət Komitəsinin mətbuat xidmətinin rəhbəri Fazil Talıblı “Turan”-a bildirib ki, “Halal” standartına uyğunluqla bağlı tədqiqatlar ölkə daxilində və xaricdə davam etdirilir. Hazırda qurumun mütəxəssisləri Hindistanda Azərbaycana kolbasa üçün ət göndərilən yerlərlə tanış olurlar.

SMPDK təmsilçisi deyib ki, kolbasa istehsal edilən ətin 90%-i Hindistandan gətirilir.

Bu gün 9 müraciət edəndən 3-nə ilkin müsbət rəy verilib.

Onu da qeyd edək ki, 2013-cü ildə ölkədə kolbasa məmulatlarının rəsmi istehsal həcmi 1,8 min ton olub.