Macarlar 2:0 hesabı ilə qələbə qazanıblar

Fransada keçirilən futbol üzrə Avropa çempionatında “F” qrupunun ilk oyunu keçirilib.
Mediatv.az xəbər verir ki, Macarıstan millisi ilə qarşılaşan Avstriya məğlubiyyətlə üzləşib.
Fransalı hakim Klement Turpinin idarə etdiyi oyunu macarlar 2:0 hesabı ilə başa vurublar. Oyunda hər iki qol ikinci hissədə qeydə alınıb. İlk olaraq 63-cü dəqiqədə Adam Szalai, ardınca isə 87-ci dəqiqədə Zoltan Stieber fərqlənib.
Bu qrupda ikinci oyun Bakı vaxtı ilə 23:00-da Portuqaliya və İslandiya yığmaları arasında keçiriləcək.