Göygöl şəhəri ərazisində şəhər sakini İ.İsmayılovun idarə etdiyi “VAZ-2106” və Beyləqan rayon sakini M.Pəsiyevin idarə etdiyi “KHAZAR” markalı avtomobillər toqquşub.

Daxili İşlər Nazirliyinin mətbuat xidmətindən  verilən məlumata görə, nəticədə “VAZ” markalı avtomobilin sürücüsü və iki sərnişini xəstəxanaya yerləşdirilib, sərnişinlərdən bir yaşlı Bahar xəstəxanada ölüb. Faktla bağlı Göygöl Rayon Polis Şöbəsi tərəfindən araşdırma aparılır.