Bakıda qadın öz evində ölü aşkar edilib. 

“Mediatv.az” APA-ya istinadən xəbər verir ki, nazirliyə Bakının Nəsimi rayonunda mənzildə bağlı qapı arxasında bir nəfərin köməksiz vəziyyətdə qalması barədə məlumat daxil olub.

Nazirliyin xilasetmə qüvvələri hadisə yerinə cəlb olunub. Xilasedicilər mənzilin qapısını açaraq, mənzilə baxış keçiblər və 1931-ci il təvəllüdlü Lapuri Oliqa Konstantinovnanı hərəkətsiz vəziyyətdə aşkarlayıblar.

Hadisə yerinə çağırılmış Təcili Tibbi Yardım Stansiyasının həkimləri tərəfindən aparılmış ilkin müayinə nəticəsində O. Lapurinin vəfat etdiyi müəyyən olunub.