“Qafqazinfo”nun məlumatına görə, hadisə nəticəsində dünyasını dəyişən iki nəfər - 2000-ci il təvəllüdlü Əmrah Nuriyev və 2006-cı il təvəllüdlü Səmayə Talıbovanın yaxın günlərdə nişan mərasimi olacaqmış. Onlar Bakıya nişan üzüyü almaq üçün gedirmiş.Faciəvi şəkildə ölən cütlüyün fotosu sosial şəbəkələrdə yayılıb.

Qeyd edək ki, ötən gün səhər saatlarında Bakı-Şamaxı yolunun Qobustan rayonundan keçən hissəsində “Kia” markalı minik avtomobil sürücünün idarəetməsindən çıxaraq aşıb. Adıçəkilən cütlüklə yanaşı, 1990-ci il təvəllüdlü Məhərrəm Səmədov, 1997-ci il təvəllüdlü Şəbnəm Səmədova və bir azyaşlı ölüb. Xəsarət alan 1972-ci il təvəllüdlü Şölə Nuriyeva isə Bakı şəhərində yerləşən xəstəxanalardan birinə göndərilib.