Almaniya Avropa İttifaqının (Aİ) Rusiyadan neft idxalına embarqo tətbiq etmək təşəbbüsünü dəstəkləməyə hazırdır.

Mediatv.az xəbər verir ki, bu barədə məlumatı alman məmurlara istinadən “The Wall Street Journal” yazıb.

Nəşr yazır ki, Almaniya Rusiya ilə neft və qaz ticarətinə qarşı sanksiyaların tətbiq edilməsinin əleyhinə çıxış edən ölkələrdən biri idi. Lakin aprelin 27-si Aİ institutlarında olan Almaniya nümayəndələri Rusiya neftinə tam olaraq embarqo qoyulmasına razılıq veriblər.

Bununla belə, Almaniya bunu bir şərtlə etməyə razıdır. Belə ki, Almaniya Rusiya neft və qazına alternativ təchizatı təmin etmək üçün kifayət qədər vaxt tələb edir.