Böyük Britaniya genişmiqyaslı təlim üçün təqribən 8 min hərbçini Şərqi Avropaya göndərəcək.

Mediatv.az xəbər verir ki, bu barədə məlumatı “The Guardian” yayıb.

Təlimlər Finlandiyadan tutmuş Şimali Makedoniyaya qədər bir neçə ölkədə keçiriləcək.

Sözügedən təlimlərə on minlərlə NATO və Birgə Ekspedisiya Qüvvələrinin hərbi qulluqçuları qoşulacaq.

Ölkənin Müdafiə Nazirliyinin açıqlamasına əsasən, təlimlər uzun müddətdir planlaşdırılıb və Rusiyanın Ukraynaya qarşı hücumuna cavab olaraq gücləndirilib.