NATO dünyanın problemlərini həll edə bilən qlobal təşkilata çevrilməlidir. Bunu Böyük Britaniyanın xarici işlər naziri Liz Truss deyib.
Diplomat Şimali Atlantika Alyansının genişləndirilməsini və digər regionlardan dövlətlərin ona birləşdirilməsini təklif edib. “Mən demək istəyirəm ki, NATO-nun qlobal baxışı, qlobal təhdidlərlə mübarizə aparmağa hazırlıqlı olması önəmlidir”, – deyə Truss bildirib.
O, NATO-nun açıq qapı siyasətini toxunulmaz adlandırıb.
“Biz həmçinin Avro-Atlantik və Hind-Sakit okean təhlükəsizliyi arasında seçim etməklə bağlı yanlış fikirləri rədd edirik. Müasir dünyada hər ikisinə ehtiyacımız var”, – deyə nazir əlavə edib.
Bundan əvvəl məlum olub ki, NATO Ukrayna ərazisindəki müharibə əməliyyatlarına görə Gürcüstan və Moldovaya hərbi yardım təşkil etmək ideyası üzərində düşünür. Eyni zamanda nə Kişinyov, nə də Tbilisi heç bir konkret yardım almayıb, NATO isə yalnız belə bir ehtimalı nəzərdən keçirir.шаблоны для dle 11.2