İran öz zirehli texnika diviziyasını Əfqanıstanla sərhədə yerləşdirib.

Mediatv.az xəbər verir ki, bu barədə məlumatı Əfqanıstanın “Aamaj News” agentliyi yayıb.

Bildirilir ki, İranın 88-ci tank diviziyası Əfqanıstanla sərhədə göndərilib.

Bu barədə qərarın “Dokarun” (İran) – “İslam-Kala” (Əfqanıstan) sərhəd məntəqələrinin yaxınlığında bu yaxınlarda baş verən insidentlər səbəbindən təhlükəsizlik məqsədilə verildiyi qeyd olunur.

İran tərəfi bu məsələ barədə hələ ki rəsmi açıqlama verməyib.

Qeyd edək ki, aprelin 23-ü iki ölkənin sərhədçiləri arasında insident baş verib və İran tərəfindən sərhəd-keçid məntəqəsinin müvəqqəti olaraq bağlanmasına gətirib çıxarıb. “Tasnim” agentliyinin məlumatına görə, “talibançı”lar “İslam-Kala”nın yaxınlığında yol salınması ilə bağlı işlərə başlayıb. İran sərhədçiləri isə sözügedən işlərə qarışaraq işi dayandırıb. İran tərəfinin iddiasına əsasən, “talibançı”lar sərhəd zonasında yeni yolun salınmasına dair rəsmi olaraq təsdiqlənmiş razılaşmaya sahib olmayıblar.