Ukrayna Prezidenti Volodimir Zelenskinin həyat yoldaşı və övladlarına onunla birlikdə Prezident ofisində qalmağa icazə verilməyib.

Mediatv.az “Strana”ya istinadən xəbər verir ki, bu barədə Volodimir Zelenskinin həyat yoldaşı Yelena Zelenskaya “Vogue” jurnalına müsahibəsində danışıb.

Onun sözlərinə görə, müharibənin əvvəlindən Zelenski ailəsi ilə yalnızca telefon vasitəsilə əlaqə saxlayır:

“İlk günlər onunla birlikdə qalacağımıza ümid edirdim. Lakin Prezident Ofisi hərbi obyektə çevrildi və uşaqlarla mənə orada qalmaq qadağan edildi. Bizə təhlükəsiz bir yerə getmək tapşırıldı, düzdür, əgər indi Ukraynada təhlükəsiz yer tapmaq mümkündürsə. O zamandan etibarən Volodimir ilə yalnızca telefonla əlaqə saxlayırıq”.

O, həmçinin qeyd edib ki, son ana qədər Rusiyanın Ukraynaya hücum edəcəyinə inanmayıb.