Avropa İttifaqı (Aİ) Rusiya gəmilərinin Aİ limanlarına daxil olmasına qadağa qoyacaq.

Mediatv.az “TASS”a istinadən xəbər verir ki, bu barədə məlumatı Avropa Komissiyasının rəhbəri Ursula fon der Lyayen açıqlayıb.

Onun sözlərinə görə, Aİ, həmçinin Rusiyaya 10 milyard avro dəyərində yarımkeçiricilər, maşın və nəqliyyat avadanlıqlarının ixracını da qadağan edəcək.

Bununla yanaşı, Avropa İttifaqı VTB də daxil olmaqla Rusiyanın 4 bankı ilə tranzaksiyaları, eləcə də Rusiyadan ildə 4 milyard avro həcmində kömür idxalını qadağan edəcək.