ABŞ Prezidenti Co Baydenin administrasiyasının əməkdaşları Ukraynanın Kiyev vilayətinin Buça şəhərində baş verən hadisələrlə bağlı Kiyevin iddiaları fonunda yeni anti-Rusiya məhdudiyyətlərinin tətbiqi imkanlarını müzakirə ediblər.
ABŞ rəsmilərinin sözlərinə görə, Bayden administrasiyasının rəsmiləri tərəfindən “Rusiyaya qarşı sanksiya kampaniyasının gücləndirilməsi müzakirə olunub”.
Bildirilir ki, Vaşinqtonun potensial məhdudlaşdırıcı tədbirləri ilə bağlı “hələ də aydınlıq yoxdur”, lakin bundan əvvəl ABŞ rəsmiləri Rusiya ilə ticarəti davam etdirən dövlətlərə tətbiq olunacaq “ikinci dərəcəli sanksiyalar”ın tətbiqi imkanını müzakirə ediblər.
ABŞ administrasiyası mədən sənayesi, nəqliyyat sektoru və maliyyə sektoruna da yeni məhdudiyyətlər tətbiq edə bilər.шаблоны для dle 11.2