ABŞ senatorları Baydeni İrana qarşı 'bütün vasitələrdən istifadə etməyə' çağırdılar

Ana səhifə Bizimlə əlaqə

Plastik-cərrah Səlim Rəhimov lisenziyasız fəaliyyət göstərir?

Əhmədlidə parkda ağacları kəsib yerində obyekt tikirlər - FAKT

Deputat Ülvi Quliyevin qudası 11 nəfəri işə düzəltmək adı ilə aldadıb

Saleh Məmmədovun TOPDAĞITMAZ SƏRVƏTİ..

Gəncə Dövlət Universitetinin 4 milyon manatdan çox “alış-veriş” siyahısı

Keçmiş deputat yenə meydandadır... MEYDAN SULAYIR..

İnstitutda keçirilən müəmmalı satınalmalar nələrdən xəbər verir

İlham Məmmədov eyni iş üçün sahibkardan iki dəfə pul tələb edir?

Şərurlu İsfəndiyarla bağlı hüquqi araşdırmalara START VERİLİR..

Dünya (26-03-2021, 14:20)
ABŞ senatorları Baydeni İrana qarşı 'bütün vasitələrdən istifadə etməyə' çağırdılar

ABŞ-ın 43 senatoru Prezident Co Baydenə məktub yazaraq onu İranın nüvə silahı əldə etməsinə mane olması üçün bütün diplomatik və iqtisadi vasitələrdən tam gücü ilə yararlanmağa çağırıb.

"Mediatv.az"xəbər verir ki, Demokrat Bob Menendez, Respublikaçı Cim Riş və Lindsey Grahamın rəhbərliyi ilə hər iki partiyadan ümumilikdə 43 senator tərəfindən imzalanan məktub Senatdan Ağ Evə göndərilib.

Məktubda İranın 2015-ci il nüvə razılaşmasının şərtlərindən uzaqlaşdığı və uranın zənginləşdirilməsində 20% səviyyəsinə çatdığı geniş şəkildə ifadə olunub.

İranın Amerikanın bölgədəki maraqlarını təkcə nüvə silahına sahib çıxmaqla deyil, Yaxın Şərqdə dəstəklədiyi “şiə könüllüləri” ilə də təhdid etdiyinin vurğulandığı məktubda Bayden rəhbərliyinin mümkün qədər tez və konkret addımlar atmasının lüzumuna toxunulub.

"İnanırıq ki, BMT Təhlükəsizlik Şurasındakı və bölgədəki müttəfiqlərimizlə əlaqələr yaradılaraq, İranın nüvə silahına sahib olmasına mane yaradacaq bir razılığa gəlmək üçün diplomatik və iqtisadi alətlərdən maksimum dərəcədə istifadə edəcəksiniz", - məktubda belə deyilir.

Senatorlar ABŞ-ın bu məsələdə həm Avropa, həm də İsrail və Körfəzdəki tərəfdaşları ilə koordinasiyalı hərəkət etməyin faydalı olacağını məsləhət görür və Konqresdəki iki partiyanın İrana qarşı ortaq mövqe sərgilədiklərini vurğulayırlar.

Qeyd edək ki, 20 Yanvarda işə başlayan Bayden rəhbərliyi də İranla yenidən nüvə anlaşmasına qayıtmaq niyyətində olduğunu açıqlamış, İran isə ancaq 2015-ci ildə nüvə anlaşmasının şərtlərinə qayıtmağın mümkünlüyünü bildirmişdi.