ATƏT-in müharibədən sonra Qarabağ arzusu: - “Minsk qrupunu dirçəltmək mümkün deyil, əvəzində…”

Ana səhifə Bizimlə əlaqə

“Renessans titan" mifi: Kamal Abdulla və Ramiz Mehdiyev epizodu-VIDEO

Deputatın oğlu bu dəfə 31 milyonluq tender qazandı

Mənzər xanımın BƏNZƏRİ YOXDURMU? - "Nazirlər dəyişir, amma Mənzər xanım..."

Ucarın icra başçısı Mənsur Məmmədovun “Avtoyoltikintiservis” MMC ilə iş birliyi

Abdin Fərzəliyev Xırdalanda qanunsuz tikintiyə necə icazə verib? -DE-FAKTO

Mədəniyyət Nazirliyində nə baş verir?

Siyəzəni abadlaşdıracaq "Safari": Keçmiş nazirin oğlunu şirkətlə nə bağlayır?

Bakıda SSRİ bayrağı qaldıran İbrahim Əsədli kimdir? - VİDEO

“Binəqədi Park” MMC-dən vətəndaşlar şikayət edir:Vergidən belə yayınıb-VİDEO

Dünya (15-03-2021, 14:00)
ATƏT-in müharibədən sonra Qarabağ arzusu: - “Minsk qrupunu dirçəltmək mümkün deyil, əvəzində…”

27 il ərzində Qarabağ probleminin həllində heç bir qəti və birmənalı mövqe sərgiləməyən ATƏT müharibədən sonra fəallaşıb. Xəbər verildiyi kimi, martın 14-də İsveçin Xarici İşlər naziri, ATƏT-in fəaliyyətdə olan sədri xanım Ann Lindenin başçılıq etdiyi nümayəndə heyəti Bakıda səfərdə olub və onları Azərbaycan Respublikasının Prezidenti İlham Əliyev qəbul edib.

Öncə xanım nazirlə təkbətək görüşən ölkə başçısı sonra geniş nümayəndə heyətini qəbul edib. Görüş zamanı Prezidentin Qarabağ münaqişənin bitdiyini qətiyyətli şəkildə dəfələrlə vurğulayıb və Ermənistanla Azərbaycan arasında kommunikasiyaların açılması ilə bağlı danışıqlar prosesinin başladığını bildirib:

“İndi münaqişə artıq tarixə qovuşub və biz gələcəyə baxmalıyıq. Düşünürəm ki, müharibədən sonra ötən 4 ay artıq hər iki tərəfin səhifəni bağlamaq və diqqəti gələcəyə yönəltmək iradəsini nümayiş etdirir”,-deyən Prezident İlham Əliyev əslində ATƏT-in Minsk qrupu bağlı rəsmi Bakının konkret mövqeyini də bəyan etmiş oldu.

Təbii ki, münaqişənin tarixə qovuşması Minsk qrupunun da keçmiş münaqişə ilə bağlı fəaliyyətinin bitdiyini göstərir.

Maraqlıdır, belə bir dönəmdə ATƏT sədrinin Bakı səfərinin məqsədi nə idi?

Politoloq Fikrət Sadıqov "Mediatv.az"-a açıqlamasında deyib ki, ATƏT rəsmilərinin Bakı səfərinin məqsədi post-münaqişə dövründə gedən proseslərdə yer almaqdır:

“ATƏT-in sədri Ann Linde çox istərdi ki, Minsk qrupunun fəaliyyəti bərpa olunsun. Görünür, bunlar post-münaqişə dövründə gedəcək proseslərdə iştirakçı olmağa çalışırlar. İstərdilər ki, bu proseslərdə onların da rolu olsun. Amma ATƏT-in münaqişəni həll etmək məsələsi artıq geridə qalıb. Prezident İlham Əliyev də bunu açıq şəkildə dedi. Ölkə başçısı bildirdi ki, Qarabağ münaqişəsi tarixə qovuşub və bizim planlarımız post-münaqişə dövründə görüləcək quruculuq işləri ilə bağlıdır. Ermənistan istəyərsə, kommunikasiya xətlərinin açılmasında da iştirak edə bilər. Biz onlara dəhlizlə bağlı şərait də yaratmışıq. Belə bir şəraitdə Minsk qrupunun fəaliyyətinin nədən ibarət olacağı anlaşılan deyil. Çünki artıq biz özümüz bir sıra məsələləri həll etmişik. Torpaqlar azad olundu, münaqişəyə son qoyuldu, Dağlıq Qarabağ məsələsi də həllini tapdı”.

Politoloq hesab edir ki, ATƏT rəsmisi Ann Linde Minsk qrupunun fəaliyyətini yenidən dirçəltməklə bağlı təkliflərlə də çıxış edib:

“Hesab edirəm ki, Minsk qrupunun bundan sonra fəaliyyəti Dağlıq Qarabağa azərbaycanlıların qaytarılması, ermənilərlə təmasda olub, onlara Azərbaycan vətəndaşları olduqlarını başa salmaq istiqamətndə ola bilər. Yəni ermənilərə Azərbaycan vətəndaşı olaraq yaşamağın sülhə aparan ən doğru yol olduğunu başa sala bilərlər. Ermənilərə anladarlar ki, Balasanyan, Arutunyan kimi cinayətkarların fikirlərini dinləməsinlər. Bundan başqa Minsk qrupu işğaldan azad olunmuş ərazilərdə bərpa işlərinə kömək edə bilər. Minsk qrupunun proseslərdə iştirakı üçün bunlardan başqa məntiqli faktor görə bilmirəm. Yəni Minsk qrupu imzalanan bəyanatların icrasında yardımçı ola bilər. Əminəm ki, dövlət başçımız bütün bu məsələləri ATƏT-in sədrinə izah etdi. Aydındır ki, Ann Linde gedib İrvanda Ermənistan rəsmilərini də dinləyəcək və qərar qəbul edəcək.

Amma bütün hallarda ATƏT rəsmiləri sağlam qərar qəbul etməlidirlər. Birmənalı şəkildə demək olar ki, ATƏT rəsmisi Ann Linde Minsk qrupunun fəaliyyətini yenidən dirçəltməklə bağlı təkliflərlə də çıxış edib. Çox güman, deyiblər ki, biz yenidən iki ölkə arasında vasitəçilik etməliyik, müqavilə bağlanılmalıdır və s. Amma dövlət başçısı bunların gərəksiz və əsassız olduğunu aydın şəkildə bildirdi. Artıq ortada 10 noyabr və 11 yanvar bəyanatları var. İndi bunları icra etmək lazımdır. Bu, Azərbaycanın birmənalı mövqeyidir”.