Bu ilin dekabr ayından etibarən Türkiyədə “ağıllı şəxsiyyət vəsiqəsi”nə keçid həyata keçiriləcək.

Mediatv.az-ın Türkiyə mətbuatına istinadən verdiyi xəbərə görə, 1976-cı ildən bugünə qədər istifadə edilən göy və çəhrayı vəsiqələr artıq yararsız hesab ediləcək. 3 il müddətində bütün ölkədə paylanacaq rəqəmsal vəsiqələr 1 GB-lıq yaddaşa malikdir. Bu vəsiqələrin hər bir vətəndaş üçün xərci isə 18 türk lirəsi (təxminən 6 manat 50 qəpik) olacaq. Barmaq, damar və ovuc içi izi kimi tanımlayıcı göstəriciləri olan smart şəxsiyyət vəsiqələrində bütün məlumatlar yerləşdirilə biləcək. Türkiyə üçün viza tələb etməyən ölkələrdə pasport yerinə də keçərli olacaq. Vəsiqələr vətəndaşlara 10 illiyinə veriləcək. İndiyə qədər 10 milyon ədəd istehsal olunan vəsiqələrin 2 milyonu ilin sonuna qədər vətəndaşlara paylanacaq.

Qeyd edək ki, ağıllı kartlar 2017-ci ilə qədər Türkiyənin bütün vətəndaşlarına çatdırılacaq.