Avropa.info xəbər verir ki, Rusiyanın Federal Təhlükəsizlik Xidmətinin əməkdaşları tərəfindən aparılan pasport yoxlanışı zamanı azərbaycanlı iş adamı Elşad Hüseynov saxlanılıb. E.Hüseynov əlavə dəyər vergisinin külli miqdarda ödənilməsi ilə bağlı vergi cinayətlərində şübhəli bilinir.

E.Hacıyevin mənsub olduğu dəstə Solikams şəhəri və Perm vilayətinin Mendeleyev qəsəbəsində özəl tədarükçülərdən topdan taxta-şalban alışını həyata keçirib, daha sonra Azərbaycan, İran, Çin və digər Asiya ölkələrinə ixrac etməklə sistematik olaraq Rusiya Federasiyası büdcəsindən qanunsuz olaraq əlavə dəyər verigisinin əvəzinin ödənilməsini həyata keçirib.

Qeyd edək ki, Elşad Hüseyov Rusiyada yaşayan azərbaycanlılar arasında böyük nüfuzu olan şəxs kimi tanınır. E.Hüseynov Perm vilayətində fəaliyyət göstərən mafiya adamları ilə çox yaxın əlaqələri olub. 

Elşad Hüseynov Perm Cüdo Federasiyasının vitse-prezident və vilayət deputatının köməkçisi vəzifələrində işləyib. O, Rusiyada nüfuzlu iş adamı kimi tanınır.

Elşad Hüseynov 100 milyon rubldan artıq məbləğdə vergi mənimsəmələrində şübhəli bilinir.