Yeraltı təkanlar 3 fərqli saatda qeydə alınıb

Türkiyənin İzmir şəhərində yenə zəlzələ meydana gəlib.

Mediatv.az-ın məlumatına görə, ötən gün Bakı vaxtı ilə 00:45-01:30 radələri ərzində İzmirin Urla rayonunda üç dəfə yeraltı təkan olub.

Saat 00:45-də 2,4 bal, 00:51-də 2,3 bal, 01:30-da isə 2,6 bal gücündə zəlzələ baş verib. Təkanlar izmirin mərkəz hissələrində hiss edilib.

Bu gün səhər saatlarında isə Vanda 4,1 bal gücündə zəlzələ baş verib.

Hadisə nəticəsində dağıntılar qeydə alınmayıb.

Xatırladaq ki, ötən gün səhər saatlarında da İzmirin Urla rayonunda zəlzələ qeydə alınmış, zəlzələnin gücü 4,0 bal olmuşdu. Son bir neçə həftədir ki, Egey bölgəsində seysmik fəallıq nəzərə çarpır.