İsraildə yolları avtonom rejimdə minalardan təmizləyən robot-istehkamçı hazırlanmışdır. “SAHAR” adlandırılmış sistem İsrailin “Aviasiya sənayesi” korporasiyası, “VatEyrPoll” mühəndislik bürosu və Britaniyanın “KinetiKyu” müdafiə şirkətinin Şimali Amerika filialının ekspertlərinin birgə səyi ilə hazırlanıb.

Bu barədə Hafta.az bbc.com-a istinadən məlumat verir. 

Bildirilir ki, “SAHAR” sistemi – bu, nəqliyyat yollarının avtonom rejimdə minalardan təmizləməsi üçün avtomatlaşdırılmış sərbəst hərəkət edən mexanizmdir. “SAHAR” insanın iştirakı olmadan müxtəlif şəraitdə və istənilən yerdə partlayıcı qurğuları neytrallaşdırmağa imkan verir.
Sistem yolları partlayıcı qurğu və maneələrdən təmizləyərək ərazinin xəritəsini yaradır.
İsrailin “Aviasiya sənayesi” korporasiyasının saytında bildirilir ki, hazırda bu məsələlər məsafədən idarə olunan sistemlərin köməyi ilə həyata keçirilir ki, bu da yolların minalardan təmizlənməsini xeyli ləngidir.