Martın 8-də radarlardan itən Malayziyaya məxsus "Boinq-777" sərnişin təyyarəsinin axtarışları qısa fasilədən sonra yenidən bərpa edilib. Axtarışın yeni mərhələsini həyata keçirəcək Avstraliya hərbi-dəniz qüvvələrinə məxsus gəmi Pert liman şəhərindən Hind okeanının cənubuna doğru yola çıxıb. 

Gəmi "Blufin 21" adlı səyyar sualtı aparatını daşıyır. Aparat peyk görüntülərinə və radar siqnallarına əsasən, təyyarənin qalıqlarının olduğu ehtimal edilən bölgədə su altında axtarışlar aparacaq. Sualtı axtarış əməliyyatının miqyası dəniz yatağının 60 min kvadrat kilometr sahəsini əhatə edəcək. 

Xatırladaq ki, Malayziyanın paytaxtı Kuala-Lumpurdan Çinin paytaxtı Pekinə uçarkən naməlum şəraitdə itən sərnişin təyyarəsində ekipaj üzvləri ilə birlikdə 239 nəfər olub. Onların taleyi 2 aydan çoxdur naməlum olaraq qalır