Ukrayna prezidentliyinə namizəd Yuliya Timoşenko mayın 25-də keçirilməsi nəzərdə tutulan prezident seçkilərinin nəticələri ilə razılaşacağına dair açıqlama verib

Mediatv.az-ın “Ukraina” televiziyasına istinadən verdiyi məlumata görə, əgər xalq ədalətli seçkilərdə prezidentini seçərsə, o bu nəticələri qəbul edəcək: “Nəticədən asılı olaraq ya müxalifətdə, ya da hakimiyyətdə fəaliyyət göstərəcəyəm”.

Y. Timoşenko açıqlamasında onu da bildirib ki, əgər yeni prezident real dəyişikliklər təmin etməzsə və hakimiyyət rüşvətdən yayınmarsa, insanlar yenidən kütləvi etirazlara başlaya bilər.
Qeyd edək ki, Y. Timoşenko 2010-cu ildə keçirilən seçkilərdə Viktor Yanukoviçin qələbəsini tanımaqdan imtina etmişdi.