Bizimyol.info xəbər verir ki, Dəmirtaş AKP-nin 3500 nəfərdən ibarət bir qrup yaratdığını və bu qrupun da HDP-ə qarşı kampaniya apardığını iddia etmişdi. Bu iddianın yalan olduğunu deyən AKP sədrinin müavini Süleyman Soylu, məsələ ilə bağlı Ankara Respublika Baş prokurorluğuna müraciət edib. Bundan sonra başlanan istintaqın nəticəsi olaraq Dəmirtaşın ifadə azadlığı sərhədlərini aşdığı qərara alınıb. Baş Prokurorluq konstitusiyanın 83-cü maddəsinə əsasən Dəmirtaşın "toxunulmazlıq hüququnu"nun qaldırılmasına  qərar verib və Türkiyə Böyük Millət Məclisinə təqdim ediləcək təqdimatı Ədliyyə Nazirliyinə göndərib.